Kylian Mbappe, Lionel Messi og Neymar komust allir á blað er Paris Saint-Germain vann nauman, 4-3, sigur á Troyes í frönsku fyrstu deildinni í dag.
PSG lenti óvænt undir á Parc des Princes-leikvanginum en það tók PSG ekki langan tíma að jafna metin.
Spænski miðjumaðurinn Carlos Soler skoraði þá eftir sendingu frá Neymar. Staðan í hálfleik var 1-1, en sá síðari byrjaði eins og fyrri, með marki frá Troyes.
Heimamenn jöfnuðu aftur og að þessu sinni skoraði Messi með stórkostlegu skoti vel fyrir utan teig og alveg upp við stöng. Sjö mínútum síðar lagði Messi upp þriðja mark PSG fyrir Neymar áður en Mbappe skoraði fjórða úr vítaspyrnu.
PSG er á toppnum með 35 stig eftir þrettán leiki.
GOAL: PSG [2] - 2 Troyes - Lionel Messi great goal 55' pic.twitter.com/nIobawiCV3
— 𝑨𝒍𝒍𝑮𝒐𝒂𝒍𝒔⚽️ (@All_Goalss) October 29, 2022
Athugasemdir