Íslenski landsliðsmarkvörðurinn Rúnar Alex Rúnarsson hélt hreinu er lið hans, Alanyaspor, vann Gaziantep 2-0 í tyrknesku úrvalsdeildinni í dag.
Rúnar Alex, sem er á láni frá Arsenal, hefur fundið sig í búrinu hjá Alanyaspor og spilað gríðarlega vel.
Hann var einn af bestu mönnum liðsins í kvöld og átti nokkrar góðar vörslur í leiknum er hann hélt hreinu í 2-0 sigri.
Alanyaspor er í 9. sæti tyrknesku deildarinnar með 16 stig.
Daníel Leó Grétarsson spilaði allan leikinn í vörn Slask Wroclaw sem lagði Wisla Plock, 2-1. Sigurmark Slask kom undir lok leiks og er liðið nú í 9. sæti með 20 stig.
Markakóngur Bestu deildarinnar, Nökkvi Þeyr Þórisson, spilaði allan leikinn í 2-1 tapi Beerschot gegn U23 ára liði Anderlecht í B-deildinni en Beerschot er í 5. sæti með 17 stig.
Elías Már Ómarsson og hans menn í Nimes unnu þá góðan 3-0 sigur á Bastia Borgo í 7. umferð franska bikarsins. Elías byrjaði á bekknum hjá Nimes en kom við sögu í síðari hálfleiknum.
Athugasemdir