Diego og Úlfarnir.
Sóknarmaðurinn Diego Costa skrifaði undir samning við Wolves í haust og kom inn af bekknum í 1-1 jafntefli gegn Brentford í dag.
Costa er þekktur fyrir að vera erfiður viðureignar vegna mikils líkamsstyrks auk þess að vera mikið í því að atast í og pirra andstæðinga sína.
Í uppbótartímanum gegn Brentford var Costa í stöðubaráttu við varnarmann Brentford sem rakst með hausinn í haus Costa.
Costa brást ekki vel við því og ákvað að skalla varnarmanninn á móti. Þetta náðu þeir að sjá í VARsjánni og fékk Costa að líta beint rautt spjald og verður í leikbanni næstu þrjá leiki.
Athugasemdir
