Van Dijk var í vörn Liverpool sem tapaði fyrir Leeds, 2-1, á Anfield í kvöld.

Fyrir leikinn hafði Van Dijk spilað 70 leiki á Anfield og ekki tapað einum.

Joe Gomez gerði slæm mistök í fyrsta mark Leeds er hann sendi boltann til baka á Alisson en sendingin var slök og komst Rodrigo í boltann áður en hann skoraði.

Mohamed Salah jafnaði metin en slök færanýting Liverpool kostaði liðið því Crysenscio Summerville gerði sigurmark Leeds þegar lítið var eftir af leiknum.

Liverpool hefur spilað langt undir getu á þessari leiktíð og hefur aðeins sótt 16 stig úr fyrstu tólf leikjunum. Liðið er nú þrettán stigum á eftir toppliði Arsenal.