Ása Björg er 19 ára gömul og uppalin í Grindavík en hún spilar stöðu hægri bakvarðar eða vængmanns.

Þrátt fyrir ungan aldur hefur hún spilað 59 leiki í deild- og bikar fyrir Grindavík.

„Ása Björg stóð sig afar vel á síðustu leiktíð og tók miklum framförum. Það er frábært fyrir okkur í Grindavík að Ása verði áfram hjá félaginu og bætist þar með í þann hóp lykilleikmanna sem hafa endurnýjað samninga sína við félagið," segir Steinberg Reynisson, formaður meistaraflokksráðs kvenna.

„Ég er ekki í vafa um að Ása á eftir að halda áfram að bæta sig og verður í stóru hlutverki hjá Grindavík á næstu leiktíð. Það er mikill meðbyr með kvennaknattspyrnunni í Grindavík og við förum mjög spennt inn í nýtt keppnistímabil," sagði hann ennfremur.