Marcus Rashford, framherji Manchester United, skoraði í dag sitt 100. mark fyrir félagið í öllum keppnum er hann kom liðinu yfir gegn West Ham á Old Trafford.
Rashford, sem er uppalinn hjá United, hefur spilað með aðalliðinu frá 2015-2016.
Louis van Gaal gaf honum þá tækifærið í Evrópudeildinni gegn Midtjylland og sá byrjaði vel. Hann skoraði átta mörk á fyrsta tímabili sínu og í dag fagnaði hann sérstökum áfanga.
Hann skoraði 100. mark sitt fyrir félagið og er 22. leikmaðurinn til að afreka það. Síðasti leikmaðurinn til að afreka þetta var Wayne Rooney en hann gerði 100. mark sitt árið 2009.
100 - Marcus Rashford has become the 22nd player to score 100 goals for @ManUtd, and the first player to reach this milestone for the club since Wayne Rooney in 2009. Centurion. pic.twitter.com/f46eFtMT77
— OptaJoe (@OptaJoe) October 30, 2022
Athugasemdir