Erik ten Hag, stjóri Manchester United, var enn eina ferðina spurður út í Cristiano Ronaldo en Portúgalinn neitaði að koma inn á gegn Tottenham eins og frægt er orðið.
Stjórinn setti Ronaldo í þriggja daga bann frá æfingum með aðalliðinu og þá var Ronaldo ekki í leikmannahópi Manchester United sem gerði 1-1 jafntefli gegn Chelsea.
Ronaldo sneri aftur í miðri viku gegn Sheriff í Evrópudeildinni og þar skoraði hann eitt mark í 3-0 sigri United.
„Ég hef tjáð mig nóg um þetta og ég gaf útskýringu. Við erum að sjálfsögðu ánægðir með að hann sé hér. Hann mikilvægur leikmaður í hópnum og hann er markaskorarinn okkar," sagði Ten Hag þegar hann var spurður hvort Ronaldo hafi beðist afsökunar á athæfi sínu.
Manchester United og West Ham eru að spila á Old Trafford þessa stundina og er Ronaldo í byrjunarliðinu.
