Natasha Anasi.
Natasha Anasi, sem var lykilmaður í liði Breiðabliks í sumar, er búin að semja við Brann, topplið norsku úrvalsdeildarinnar.
Það var Fótbolti.net sem sagði fyrst frá áhuga Brann á Natöshu í sumar og í október var greint frá því að Brann væri enn að reyna að kaupa hana.
Það var Fótbolti.net sem sagði fyrst frá áhuga Brann á Natöshu í sumar og í október var greint frá því að Brann væri enn að reyna að kaupa hana.
Núna hefur það gengið eftir og er Brann búið að ganga frá kaupum á Natöshu sem hefur leikið á Íslandi frá 2014; fyrst með ÍBV, svo með Keflavík og núna í eina leiktíð með Breiðablik.
Miðvörðurinn skrifar undir samning við Brann sem gildir til ársins 2024. Olli Harder, sem er yfirmaður fótboltamála hjá Brann, fagnar því að fá Nathöshu í hópinn. Hann segir að hún sé mikill leiðtogi sem muni styrkja liðið mikið.
Natasha, sem á að baki fimm landsleiki fyrir Ísland, var að klára sitt fyrsta tímabil með Blikum eftir að hafa komið frá Keflavík. Hún var gríðarlega mikilvæg fyrir Blika í sumar.
Svava Rós Guðmundsdóttir leikur með Brann sem tók á móti norska meistaratitlinum um liðna helgi.
Athugasemdir
