María í leik með KR
María að taka við Lengjubikarnum í vor
Þá er komið að hinni hliðinni en að þessu sinni er það María B. Ágústsdóttir sem svarar nokkrum laufléttum spurningum. María er aðalmarkvörður bikarmeistara KR og hefur að baki 8 A landsleiki fyrir Íslands hönd og 30 með yngri landsliðunum. Hún er uppalin í Stjörnunni og hefur alls spilað 52 leiki í efstu deild kvenna.
Fullt nafn:María Björg Ágústsdóttir
Gælunafn: Maja, Majsól, Hægri sleggjan
Aldur: Hálft ár í tuttugu-og-sexy
Giftur / sambúð? Ólofuð í einbúð
Börn: Ekki enn
Hvað eldaðir þú síðast? Bakaðar kartöflur (fjölskyldan sá um kjötið), en þar áður eðal-Sushi með Guðrúnu Sóleyju og Emblu.
Hvað vilt þú fá á pizzuna þína? Pepperoni og piparost
Hvernig gemsa áttu? HTC 620
Uppáhaldssjónvarpsefni? Innlit / Útlit
Besta bíómyndin? The Notebook
Hvaða tónlist hlustar þú á? Aðallega innihald Léttbylgjunnar
Uppáhaldsútvarpsstöð: 96.7 og 95.7
Uppáhaldsdrykkur: Sól-appelsínusafi
Uppáhalds vefsíða? www.mbl.is
Ertu hjátrúarfull(ur) fyrir leiki ( ef já, hvernig þá)? Nei
Hvernig er best að pirra andstæðinginn? Verja
Hvaða liði myndir þú aldrei spila með? Hef ekki sterka skoðun á því
Hver var átrúnaðargoð þitt á yngri árum? Magga Ólafs, en ég sá mikið eftir henni þegar hún hætti (of) snemma
Erfiðasti andstæðingur? Vippin hennar Hrefnu, táskotin hennar Fríðu, þrumurnar hennar Eddu, trikkin hennar Katrínar Ómars, vinstri sleggjan hennar Gunnu, tryllingurinn hennar Emblu, fyrirgjafirnar þeirra Ólínu og Fjólu...ég gæti haldið áfram...
Ekki erfiðasti andstæðingur? Er hægt að segja að einhver andstæðingur sé auðveldur?
Besti samherjinn? KR-liðið í heild er magnað. Hver einn og einasti leikmaður hefur reynst mér gífurlega vel eftir að ég ákvað að byrja aftur. Svo verð ég líka að fá að nefna Stjörnuliðið árið 2000, þvílíkt ár. :)
Sætasti sigurinn? (Óvæntur) 1-0 sigur Stjörnunnar á KR árið 2000. Það gekk allt upp í þeim leik. Sigurmarkið kom eftir skalla frá Heiðu Sigurbergs sem klobbaði Rósu samherja áður en það fór framhjá markverði KR!
Mestu vonbrigði? Háskólaferillinn, þótt námið hafi verið algjör draumur
Uppáhaldslið í enska boltanum? Ég var Poolari í húð og hár þegar RÚV var með sjónvarpsréttinn á sínum tíma og Stan Collymore var upp á sitt besta...
Uppáhaldsknattspyrnumaður? Enginn uppáhalds
Efnilegasti knattspyrnukona landsins? Sara Björk Gunnarsdóttir Haukum og Rakel Hönnudóttir Þór/KA eru að standa sig gríðarlega vel með landsliðinu.
Fallegasti knattspyrnumaðurinn í deildinni? Guðmundur Reynir Gunnarsson, enda kominn af afbragðsfólki
Fallegasta knattspyrnukonan? Dóra María Lárusdóttir
Grófasti leikmaður deildarinnar? Það er ekki að ósekju sem að Pála Marie er kallaður kletturinn af liðsfélögum sínum :) og svo er Jóna í Stjörnunni hörð í horn að taka. Annars lendi ég minnst í tæklingum, frekar að stigið sé á tærnar á mér í hornum!
Besti íþróttafréttamaðurinn? Pass
Hver er mesti höstlerinn í liðinu? Á eftir að komast að því ;)
Hefurðu skorað sjálfsmark? Ekki svo ég viti í beinum skilningi en hef gert mistök sem kosta mark, sem mætti þá að einhverju leyti telja sem sjálfsmark.
Segðu okkur frá skemmtilegu atviki sem gerst hefur í leik: Man hreinlega ekki eftir neinu í leik sem ég hef tekið þátt í, en fannst skemmtileg sagan frá KR stelpunum þegar dómarinn fékk magakveisu í miðjum leik sem endaði í uppköstum við hliðarlínu og ræsa þurfti út annan dómara til að klára leikinn.
Spilaðir þú Championship Manager tölvuleikinn? Já, þegar hann var í DOS útgáfunni (engar myndir, einungis texti).
Hvenær lékstu þinn fyrsta leik með meistaraflokki? Sumarið 1997
Hvernig finnst þér Fótbolti.net? Frábær viðbót í fótboltaflóruna
Kíkir þú oft á Fótbolti.net? Oftast daglega
Ef þú mættir breyta einni reglu í fótbolta, hverju myndir þú breyta? Ekki neinu á Íslandsmóti, en það væri skemmtilegt að prófa nýjar reglur í leikjum á veturna: t.d. innkasti í innspark og 2mín brottvísun við gult spjald – gaman að sjá hvort eitthvað kæmi út úr því.
Hvern vildir þú sjá á sviði? (tónleikum) U2 aftur, með Mary J Blige sem gestasöngkonu.
Hvað finnst þér leiðinlegast að gera á æfingu? Hita upp og “keep away”
Hver er frægasta persónan sem þú ert með í farsímanum þínum? Ásthildur Helgadóttir
Hver er uppáhaldsstaðurinn þinn í öllum heiminum? Heimilið
Hversu lengi ertu að koma þér í gang á morgnanna? Fer eftir því hvort það er helgi eða vinnudagur
Hver er uppáhaldsÍÞRÓTTAMAÐURINN þinn? Það væri gaman að læra af Tiger Woods
Fyrir utan knattspyrnu, fylgist þú með öðrum íþróttum? Já, hef reynt að fylgjast með Stjörnunni í handbolta
Hvenær borgaðir þú þig síðast inn á knattspyrnuleik? Heimaleik Chelsea s.l. sumar
Í hvernig fótboltaskóm spilar þú? Adidas Predators
Í hverju varstu/ertu lélegastur í skóla? Mannkynssögu
Athugasemdir
