Maupay kom Brentford í 1-0 gegn Tottenham og fagnaði að hætti Maddison.

Englendingurinn var ekkert sérstaklega ánægður með fagnið hjá Maupay og baunaði á hann í leiknum.

„Ég sagði bara við hann að væri ekki búinn að skora nægilega mörg mörk síðustu ár til að vera með sitt eigið fagn, þannig hann stal mínu. Stutt saga, en þetta endaði vel fyrir okkur,“ sagði Maddison eftir leikinn.

Allt fór niður á við hjá Brentford í síðari hálfleiknum. Tottenham skoraði þrjú á átta mínútum og vann leikinn 3-2.

Maupay svaraði Maddison með því að birta mynd af fagninu á Instagram, en undir myndina skrifaði hann: „Kom svolítið snemma með þetta. Vonsvikinn að hafa ekki náð í sigurinn, en með fleiri mörk og fallið sjaldnar en James Maddison á ferlinum. Við keyrum aftur á þetta á mánudag.“