Mangala er belgískur landsliðsmaður sem kom til Forest frá Stuttgart fyrir tveimur árum, en hann eyddi síðari hluta síðustu leiktíðar á láni hjá Lyon.

Lyon er að ganga frá viðræðum við Forest um kaup á Mangala en hann mun kosta franska félagið um 20 milljónir punda.

Þá er félagið einnig að ræða við Forest um franska varnarmanninn Moussa Niakhate. Enska félagið vill fá svipaða upphæð fyrir miðvörðinn sem lék 21 leik fyrir Forest á síðustu leiktíð.

Staðan er þannig að Forest þarf að selja leikmenn fyrir sunnudag til að tryggja það að félagið brjóti ekki fjármálareglur ensku úrvalsdeildarinnar.