Ítalski framherjinn Moise Kean er á leið til Fiorentina frá Juventus en þetta fullyrðir Fabrizio Romano á X.
Kean, sem er 24 ára gamall, er uppalinn hjá Juventus og varð yngsti leikmaður í sögu félagsins þegar hann kom inn af bekknum í 3-0 sigri á Pescara fyrir átta árum.
Hann lék með Everton og Paris Saint-Germain áður en hann snéri aftur til Juventus árið 2021.
Þar hefur hann spilað síðustu tímabil en hann er nú aftur á förum frá uppeldisfélaginu.
Romano greinir frá því að Fiorentina hafi náð samkomulagi við Juventus um kaup á Kean. Kaupverðið er 15 milljónir evra, en gæti hækkað upp í 18 milljónir ef ákveðnum skilyrðum er mætt.
Á síðasta tímabili spilaði Kean 20 leiki fyrir Juventus en tókst ekki að komast á blað.
Athugasemdir