Lestu um leikinn: FH 4 -  1 Tindastóll

„Við byrjuðum leikinn mjög vel og settum fljótlega tvö mörk. Síðan komum við ekki nægilega góðar út í seinni hálfleikinn. Fyrstu 25 mínúturnar í seinni hálfleik voru ekki nægilega góðar en síðan komum við aftur og kláruðum þetta," sagði Elísa Lana en hvað gerðist á þeim tímapunkti sem Tindastóll var að komast inn í leikinn?

„Við vorum að snerta boltann alltof mikið á síðasta þriðjung og missa boltann auk þess sem við vorum undir í baráttunni."

„Við breyttum um kerfi og fáum góða leikmenn inná sem höfðu góð áhrif á liðið og skiptu miklu máli. Varamennirnir komu með mikinn kraft inná. Síðan vildum við þetta bara meira," sagði Elísa sem var ekkert að gera of mikið úr glæsilegu marki sínu í leiknum sem gulltryggði sigurinn.

„Þetta er ekki flókið. Boltinn þurfti að detta inn í dag og það gerðist."