Enzo Maresca, nýr stjóri Chelsea, er mjög hrifinn af Murillo en verðmiðinn á honum er býsna hár.

Talið er að Forest vilji fá í kringum 70 milljónir punda fyrir Murillo.

Murillo var leikmaður ársins hjá Forest á síðasta tímabili eftir að hafa verið keyptur frá Corinthians í Brasilíu fyrir rúmar 11 milljónir punda síðasta sumar.

Chelsea lítur á hinn 21 árs gamla Murillo sem mjög spennandi kost og verður fróðlegt að sjá hvort Lundúnafélagið sé tilbúið að galopna veskið til að landa honum.