Enzo Fernandez miðjumaður Chelsea er miður sín yfir því að fá ekki að fara á Ólympíuleikana með Argentínu í sumar.
Fernandez sagði frá því að hann hafði fengið leyfi í upphafi en Chelsea hafði síðan bannað honum það eftir að Enzo Maresca tók við liðinu eftir að Mauricio Pochettino var rekinn.
„Ég gerði allt sem í valdi mínu stóð að komast þangað, Pochettino gaf mér leyfi en svo kom nýr stjóri og félagið breytti stöðunni. Ég reyndi allt, fyrirgefðu Mascherano," sagði Fernandez en Javier Mascherano fyrrum leikmaður Barcelona og Liverpool þjálfar Argentíska liðið á Ólympíuleikunum.
Argentína er með Marokkó, Írak og Úkraínu í riðli á Ólympíuleikunum sem fram fara í París í sumar. Fyrsti leikur liðsins verður gegn Marokkó 24. júlí.
Athugasemdir