Lucy Bronze, sem hefur verið einn besti varnarmaður heims síðustu árin, mun yfirgefa Barcelona þegar samningur hennar rennur út á næstu dögum.
Hún spilaði 70 leiki yfir tvö tímabil hjá Barcelona og vann tvo Evróputitla, tvo deildartitla og þrjá aðra bikara.
Hin 32 ára gamla Bronze verður samningslaus 30. júní og er henni frjálst að semja við annað félag.
Bronze, sem leikur yfirleitt í stöðu hægri bakvarðar, hefur spilað 123 landsleiki fyrir England en áður en hún gekk í raðir Barcelona þá spilaði hún með Manchester City, Lyon, Sunderland, Everton og Liverpool.
Athugasemdir