Siggi fékk svar frá sínum mönnum.
Arnar Þór Stefánsson var með flautuna í dag.
Sigfús er kominn með þrjú mörk í sumar.
Mætir ÍR í næsta leik.
„Ég er mjög ánægður, mjög ánægður með frammistöðuna og það sem við lögðum í þetta. Þetta var mjög sannfærandi. Ég hefði viljað klára þennan leik fyrr en í heildina er ég mjög sáttur," sagði Sigurður Heiðar Höskuldsson, þjálfari Þórs, eftir sigur á Dalvík í dag.
Þetta var annar sigur Þórsara í deildinni í sumar, sá fyrsti kom í 2. umferð þann 9. maí.
Þór leiddi 0-2 í leikhléi og komust í 0-3 þegar um 20 mínútur lifðu leiks. Dalvíkingar náðu svo að minnka muninn en komust ekki nær.
Þetta var annar sigur Þórsara í deildinni í sumar, sá fyrsti kom í 2. umferð þann 9. maí.
Þór leiddi 0-2 í leikhléi og komust í 0-3 þegar um 20 mínútur lifðu leiks. Dalvíkingar náðu svo að minnka muninn en komust ekki nær.
Lestu um leikinn: Dalvík/Reynir 1 - 3 Þór
„Fyrri hálfleikurinn var okkar eign, þangað til kannski síðustu 5 mínúturnar þar sem við vorum værukærir," sagði Siggi sem óskaði eftir svari frá leikmönnum eftir dapran leik gegn Leikni um helgina.
„Ég fékk svo sannarlega svar, það var meira hjarta í þessu, þeir sem andstæðingar kveiktu líka í okkur. Það er skemmtilegt að ná smá 'bounce back' eftir brösugt gengi, ná því hér og með þessum hætti."
Mjög gott hugarfar
Þeir Elmar Þór Jónsson og Sigfús Fannar Gunnarsson komu Þór í 0-2. Þeir komu báðir inn í liðið frá síðasta leik.
„Það er bara frábært. Við erum búnir að rúlla vel á liðinu, margir að sýna mjög gott hugarfar, stór hópur og mikið af leikmönnum sem eru svipaðir af getu. Það er gott að geta rúllað því og ég hef fengið svakalega gott svar eiginlega alltaf frá öllum sem hafa verið úr hóp en koma svo inn í liðið. Það er virkilega ánægjulegt."
Sigfús var á láni hjá Dalvík/Reyni á síðasta tímabili og þekkir því Dalvíkurvöll nokkuð vel.
„Það er alltaf rætt eitthvað. Hann var búinn að vinna sér það inn að vera í byrjunarliðinu, hrikalega flott hugarfar, frábær og spilaði bara þrusuvel í dag."
Alltaf mikil trú á Aroni
Fyrirliðinn Aron Birkir Stefánsson hefur gert afdrifarík mistök í marki Þórs að undanförnu en hann átti frábæran leik í dag.
„Hann var frábær, geggjaður, bjargar okkur 2-3 mjög vel. Við höfum alltaf rosalega trú og mikið traust til hans og ánægjulegt að hann hafi átt góðan dag."
Færri svefnlausar nætur
Hvaða þýðingu hefur þessi sigur?
„Þrjú stig," sagði Siggi og brosti. „Við erum á fínum stað einhvern veginn andlega og líkamlega. Við vorum búnir að sakna þess og skulduðum fólkinu okkar og sjálfum okkur að ná í þrjú stig. Sigurinn nærir, færri svefnlausar nætur og svoleiðis."
Skrítnasta dómgæsla ævinnar
Einfaldasta útskýringin á dómgæslunni er að segja að hún hafi bara verið einhvern veginn. Siggi var spurður út í línuna í leiknum,
„Ég hef aldrei spilað fótboltaleik þar sem mig langar jafnmikið að setjast niður með dómaranum og horfa á leikinn með honum og fá útskýringu á svona 50 atriðum. Að einn leikmaður hjá þeim haldist inn á vellinum er gjörsamt kraftaverk. Þetta var skrítnasta dómgæsla sem ég hef orðið vitni að á minni ævi," sagði Siggi.
Alltaf betra veður fyrir norðan
Næsti leikur er gegn ÍR. Siggi er fyrrum leikmaður ÍR, lék með liðinu 2006, 2007 og 2009. ÍR er sem stendur í 5. sæti deildarinnar.
„Mér líst bara frábærlega á þann leik. Það er reyndar spáð 26 stiga hita á Akureyri og grenjandi rigningu í bænum. Ég á hrikalega marga og góða vini í Mjóddinni," sagði Siggi sem segir að það sé eiginlega alveg pottþétt að þeir Aron Ingi Magnússon og Marc Sörensen verði í hóp í þeim leik.
