Viðræður á milli Marseille og Man Utd eru á frumstigi og eiga félögin enn eftir að ræða um fjármál tengdum mögulegum félagaskiptum.

Talið er að hinn 22 ára gamli Greenwood sé þó mjög spenntur fyrir því að fara til Marseille og líti á það sem mest spennandi kostinn fyrir sig á þessum tímapunkti. Hann fengi þá tækifæri til að vinna með Roberto De Zerbi.

Man Utd vill helst selja Greenwood en hann var á láni hjá Getafe á Spáni á síðasta tímabili.

Greenwood var handtekinn í byrjun árs 2022 og ákærður fyrir af lögreglu fyrir tilraun til nauðgunar og ofbeldi í garð kærustu sinnar. Málið var látið niður falla fyrr á þessu ári þrátt fyrir ýmis sönnunargögn svo sem myndir sem þolandinn deildi á samfélagsmiðlum. Eftir að málið kom upp, þá tók Man Utd ákvörðun um að leyfa Greenwood að fara annað.