Þór vann kærkominn sigur í grannaslagnum gegn Dalvík/Reyni á Dalvík í gær en þetta var aðeins annar sigur liðsins í sumar.
Lestu um leikinn: Dalvík/Reynir 1 - 3 Þór
Þór vann leikinn 3-1 þar sem mörk frá Elmari Þór Jónssyni og Sigfúsi Fannari Gunnarssyni í fyrri hálfleik lögðu grunninn áður en Alexander Már Þorláksson bætti þriðja markinu við en Matheus Bissi Da Silva tókst að klóra í bakkann.
Hinn 16 ára gamli Egill Orri Arnarsson kom inn á sem varamaður í liði Þórs en hann vakti athygli á samfélagsmiðlum þegar hann tók á ótrúlegan sprett seint í leiknum.
Hann tók á sprettinn frá miðjunni inn á teig Dalvíkinga og kom sér í fína stöðu áður en færið rann út í sandinn.
Egill mun yfirgefa herbúðir Þórs um mánaðarmótin þar sem hann hefur samið við danska félagið Midtjylland. Hann hefur komið við sögu í sex leikjum í Lengjudeildinni í sumar og skorað eitt mark.
Egill Orri Arnarsson (2008) er sennilega LAAAANG fljótasti leikmaður Íslands í dag! Er með þennan atvinnumanna hraða sem @hjorvarhaflida er alltaf að tala um! (Sjáið hann á miðjunni) @Fotboltinet pic.twitter.com/yBDpgWsqe1
— Tómas Örn Arnarson (@TamArnarson) June 26, 2024
