Sölvi gerir fyrirliðabreytingu hjá Víkingi

Varnarmaðurinn Oliver Ekroth er nýr fyrirliði Víkings en Besta deildin fer af stað um helgina. Sölvi Geir Ottesen, þjálfari Víkings, staðfesti þetta við Fótbolta.net á kynningarfundi deildarinnar sem fram fór í hádeginu,

Nikolaj Hansen var fyrirliði en Sölvi, sem er á sínu fyrsta tímabili sem aðalþjálfari, hefur ákveðið að setja bandið á Ekroth þó Hansen sé áfram hjá félaginu.

Hansen er á meiðslalistanum og byrjar ekki mótið.