Fótbolti.net

„Ekkert stærsti aðdáandi þess að spila á Kópavogsvelli"

Sneri aftur í landsliðið eftir langa fjarveru - „Mótlætið styrkir mann"

Ekki unnið leik í tæpa tvo mánuði - „Skrítið og auðvitað ekki eins og við viljum hafa það"

Þurfti að bíta í neglurnar - „Mun meira stressandi"

Dóri Árna um Þorleif: Í draumaheimi væri það flott lausn

Aron Sig: Við erum með langbesta þjálfara landsins

Höskuldur um tilboð Brann: Heiður fyrir verðandi 31 árs krullhaus

Óskar Hrafn: Ömurleg staða fyrir íslenska knattspyrnuáhugamenn og Bestu deildina

Túfa: Markmiðið er klárlega að keppa um titilinn

Böddi: Erum kannski ekki beittustu hnífarnir í skúffunni

Gummi Magg: Klár ef allt gengur eftir í vikunni

Hörður Snævar: Setjum gjöf á diskinn þeirra

Alli Jói sáttur og glaður - „Mikilvægt að fá leiki á þessum tímapunkti"

Valgeir: Sýndum fram á hvað við erum að fara bjóða upp á í deildinni

Haddi: Staðan í hálfleik var ekki sanngjörn

Dóri Árna: Einni eldingu frá því að vera flautaðir inn

Sölvi Geir: Akkúrat leikurinn sem þú vilt fá rétt fyrir mót

Óskar Hrafn um meiðsli Stefáns Árna: Eitthvað sem viðkemur leiknum sjálfum verður hjákátlegt

Jóhann Kristinn: Væri mjög barnalegt að skella skuldinni á það

Agla María spennt fyrir tímabilinu: Höfum sjaldan verið með jafn öflugan hóp

mið 02. apríl 2025 14:08

Elvar Geir Magnússon

Gummi Magg: Klár ef allt gengur eftir í vikunni

Guðmundur Magnússon, fyrirliði Fram.

Mynd: Fótbolti.net - Hafliði Breiðfjörð

Fram leikur gegn ÍA á sunnudagskvöld.

Mynd: Helgi Þór Gunnarsson

Besta deildin fer í gang um helgina. Fram hefur leik á sunnudagskvöld með heimaleik gegn ÍA. Guðmundur Magnússon, fyrirliði Fram, ræddi við Fótbolta.net á kynningarfundi deildarinnar.

Er ekki spenna og fiðringur í mönnum?

„Jú heldur betur, þetta er búið að líða svo hratt. Manni finnst eins og síðasta tímabil sé nýliðið," segir Gummi en talsverðar breytingar hafa orðið á Framliðinu og erfitt fyrir spekingana að rýna í liðið.

27.03.2025 12:00

Spá Fótbolta.net fyrir Bestu deildina: 9. sæti

„Eðlilega. Það eru nokkrir út og kannski fleiri inn. Markmiðið var að búa til stærri hóp. Þegar okkur var að ganga sem best í fyrra misstum við lykilpósta út og réðum illa við það. Nú hefur verkefnið verið að auka breiddina."

Hafið þið verið á réttri leið á undirbúningstímabilinu?

„Já, mér fannst þetta byrja frekar hægt en svo í febrúar og þangað til núna finnst mér stígandinn hafa verið góður. Við áttum góða æfingaferð og fengum sterka leiki. Það ætti að gefa okkur meðbyr inn í tímabilið."

Hvernig er staðan á þér persónulega fyrir tímabilið?

„Ég lenti í því að stífna upp á fyrstu æfingu eftir æfingaferðina og er búinn að vera að vinna í því að koma til baka og eins og staðan er núna þá lítur það bara mjög vel út. Það er alltaf gaman að byrja þetta og það er hungur."

Verður þú ekki með í fyrsta leik?

„Jú ef allt gengur eftir í vikunni. Ég er að fara í gegnum prógramm með styrktarþjálfaranum og sjá hvernig líkaminn bregst við því. Ef það gengur vel þá er engin spurning að ég ætti að ná honum."

Hvernig lýst þér annars á þennan fyrsta leik, að taka á móti Skaganum?

„Það er alltaf gaman að fá alvöru leik, fyrsta leik. Það er tilhlökkun. Við erum að fá líkamlega sterkt lið sem er með læti og beinskeytt."

Viðtalið má sjá í heild í sjónvarpinu hér að ofan en þar ræðir Guðmundur nánar um tímabilið framundan og um það hvernig titilbaráttan gæti þróast.

Svona er fyrsta umferðin í Bestu deildinni:

laugardagur 5. apríl
19:15 Breiðablik-Afturelding (Kópavogsvöllur)

sunnudagur 6. apríl
14:00 Valur-Vestri (N1-völlurinn Hlíðarenda)
16:15 KA-KR (Greifavöllurinn)
19:15 Fram-ÍA (Lambhagavöllurinn)

mánudagur 7. apríl
18:00 Víkingur R.-ÍBV (Víkingsvöllur)
19:15 Stjarnan-FH (Samsungvöllurinn)