Arne Slot, stjóri Liverpool, var að vonum ánægður með 1-0 sigurinn á Everton í grannaslag á Anfield í kvöld.
Liverpool þurfti virkilega að hafa fyrir hlutunum en Diogo Jota skoraði eina mark leiksins eftir undirbúning Luis Díaz í síðari hálfleik.
„Mér fannst við spila mun betur gegn þeim núna en í útileiknum. Við vorum svo oft á síðasta þriðjungi vallarins, en Everton er ágætis skriði núna.“
„Þetta er sterkt lið með rosalega góðan stjóra sem hefur komið með líf aftur í liðið. Það er enn erfiðara að skapa færi gegn liði sem er með svona marga leikmenn inn á eigin teig,“ sagði Slot.
Liverpool er aftur komið með tólf stig forystu í titilbaráttunni þegar átta leikir eru eftir.
„Everton sýndu okkur hversu erfitt það er að ná í stigin og vinna leikina þína. Við þurftum að virkilega að berjast fyrir sigrinum í kvöld.“ .
Curtis Jones var í hægri bakverði í fjarveru Trent Alexander-Arnold og skilaði góðu dagsverki.
„Hann sagði mér fyrr á tímabilinu þegar ég var að plana það að nota hann í þessari stöðu að hann hefði spilað hana undir Jürgen Klopp. Hann sýndi mér að hann er fullfær um að spila stöðuna í svona leikjum“ sagði Slot.
Athugasemdir
