Endurbygging Liverpool: Hverja á að selja og hverja á að kaupa?

Þeir sem mega fara:

Caoimhín Kelleher
Gæti verið seldur í flott félag á Englandi fyrir mögulega 15 milljónir punda. Hann er alltaf frábær fyrir Liverpool og sýnt sig á stærsta sviðinu. Það væri gott að fá eitthvað fyrir hann í stað þess að láta hann hanga á bekknum fyrir þrjá eða fjóra leiki á tímabili.


Joel Matip
Frábær þjónn síðustu ár en er 31 árs og búinn að vera slakur undanfarið. Það er kominn tími á nýja áskorun þar sem hann er ekki lengur byrjunarliðshafsent; Konate er bara orðinn miklu betri. Einnig er Matip mikið meiddur sem er mikið þema yfir þennan lista af leikmönnum sem mega fara. Gæti verið seldur á 10-15 milljónir punda enda verið frábær hafsent síðustu ár.


Joe Gomez
Líkt og Matip, frábær þjónn en alltaf meiddur og þetta er komið gott. Búinn að vera hörmulega slakur á tímabilinu og það er kominn tími á að finna sér nýtt félag, er bara ekki nægilega góður en sé svo sem fyrir mér hann verði áfram á Anfield þar sem hann er enskur og fellur undir 'home grown' kvótann.


Nat Phillips
Takk fyrir þitt framlag 2020/21 tímabilið. Ég hef ekkert á móti þér en þú átt skilið að vera seldur og fá alvöru hlutverk annars staðar. Talað um það í nokkra glugga að Liverpool vilji fá 10-15 milljónir punda fyrir hann.


Alex Oxlade-Chamberlain
Mikið meiddur og passar bara alls ekki inn í framtíð Liverpool. Lofaði ofboðslega góðu framan af en eftir slæm meiðsli gegn Roma í Meistaradeildinni 2018 hefur hann verið í basli og þar að leiðandi aldrei náð að vinna sig almennilega inn í liðið. Ný áskorun og takk fyrir mig, Ox.


Naby Keita
Burt.


Fabinho
Skugginn af sjálfum sér, verður 30 ára gamall á árinu og það er kominn tími til að hann færi sig um set á stað þar sem hann getur vaknað til lífsins í öðru umhverfi. Eins og með flesta þessa leikmenn þá þurfa þeir nýja áskorun. Fyrir mér var Fabinho besti djúpi miðjumaður heims fyrir ekki svo löngu síðan en þetta er komið gott. Liverpool goðsögn eftir nokkur ár.


Thiago
Lítur vel út, flottur í rauðu en það kemur ekkert út úr honum. Alltaf meiddur eins og flestir frændur hans á þessum lista en ég þarf bara að fá meira. Hann stígur á boltann, gefur 'no look' sendingar til hliðar og allt þetta flotta en ég þarf að fá meira. Hann er engin ógn fyrir utan teiginn, engar stoðsendingar, engin mörk, skilar sér aldrei inn í boxið og svo framvegis. Ég þoli ekki að hafa menn sem er ekki hægt að treysta á vegna meiðsla og því miður fyrir Thiago þá þarf hann að leita annað því hann passar ekki inn í framtíð Liverpool.


Staðan:
Átta leikmenn seldir; markmaður, þrír hafsentar og fjórir miðjumenn farnir ef þetta gengur upp. Þrír leikmenn í engu hlutverki sem fara en það eru Kelleher, Phillips og Oxlade-Chamberlain. Ég væri til í að fá að minnsta kosti sex leikmenn inn í staðinn.

Liðið myndi þá líta svona út ef menn eru seldir og félagið fer í alvöru endurbyggingu í sumar. Ég er svo með nokkrar hugmyndir af leikmönnum sem Liverpool getur keypt.



Þeir sem gætu komið inn:

Josko Gvardiol
Hann hefur opinberlega sagt að hans uppáhalds lið er Liverpool. Eftir hverju er verið að bíða? Spilar hafsent og vinstri bakvörð, og Liverpool bráðvantar vinstri fótar hafsent.


Antonio Silva eða Goncalo Inacio
Ungur hafsent í Benfica sem er einn efnilegasti varnarmaður Evrópu. Ef ekki Antonio Silva þá Goncalo Inacio. Einnig vinstri fótar hafsent, 21 árs og væri mögulega ódýrari en Silva. Spilar fyrir Sporting Lissabon.


Piero Hincapie:
Hann er 21 árs vinstri fótar hafsent sem leikur með Bayer Leverkusen í Þýskalandi. Hann er frá Ekvador sem er geggjað, frábær boltatækni og sendingargeta. Búinn að vera einn besti leikmaður Leverkusen á tímabilinu.


Jude Bellingham
Þarf ekki að skrifa mikið meira, einn besti miðjumaður í heimi. Kastið öllu í hann og landið honum á Anfield.


Alex Scott
Miðjumaður fæddur 2003 sem leikur með Bristol City í næst efstu deild Englands. Guardiola sagði núna í gær að þetta væri magnaður leikmaður, myndi henta fullkomlega í endurbygginguna sem mun eiga sér stað á Anfield. Fabrizio Romano talar um 20-25 milljónir punda fyrir þennan kappa.


Mason Mount
Hefur verið orðaður við Liverpool og ég hef trú á að hann myndi blómstra undir stjórn Jurgen Klopp, en held samt að hann yrði alltof dýr þar sem Chelsea myndi setja ósanngjarnt verð á hann.


Manu Kone
Fæddur 2001, miðjumaður hjá Gladbach og verið í algjöru lykilhutverki á miðjunni þar og gæti verið þetta Gini Wijnaldum replacement sem allir eru búnir að vera bíða eftir. Metinn á 25 milljónir á Transfermarkt og er búinn að vera orðaður við Liverpool, PSG, Newcastle og Bayern Munchen.


Mohammed Kudus
Sóknarsinnaður og virkilega hættulegur miðjumaður sem hefur sýnt það í Meistaradeild Evrópu og í hollensku úrvalsdeildinni að hann sé alvöru leikmaður.


Sam Johnstone
Varamarkmaður sem er enskur og fyllir upp í 'home grown' kvótann.


Ungstirni sem Liverpool gætu notað:
Ef FSG heldur áfram að vera með allt niðrum sig og gefur skít í félagið, þá er Liverpool akademían að gera virkilega vel og er komin í átta-liða úrslitin í UEFA Youth League. Eftir sterka innkomu Stefan Bajcetic eru þar nokkrir leikmenn sem Liverpool gæti gefið tækifæri á næsta, ári en kannski eru þeir ekki alveg tilbúnir og gætu þá komið inn 2024/25 tímabilið.

Ben Doak
Kantmaður sem er fæddur árið 2005. Hann hefur sýnt það í UEFA Youth League að hann er geggjaður leikmaður. Hefur burði til þess að verða leikmaður í aðalliðinu í framtíðinni.

Bobby Clark
Miðjumaður fæddur árið 2004 sem var keyptur frá Newcastle. Hann átti nokkra góða leiki á undirbúningstímabilinu og gerði frábæra þar stoðsendingu á Darwin Nunez.

Jarell Quansah
Hafsent fæddur árið 2003. Hann var byrjunarliðshafsent í U19 ára liði Englendinga sem urðu Evrópumeistarar í sumar. Hann er núna á láni hjá Bristol Rovers eftir frábæra leiki í UEFA Youth League og með varaliðinu. Hann er með geggjaða holningu fyrir hafsent, svipaða holningu og Joe Gomez (sem er með geggjaða holningu, bara getur ekkert) og gæti orðið framtíðarleikmaður á Anfield.



Svo eigum við bara Curtis Jones inni, pælið í því!