Ítalska félagið Juventus hefur hreppt enska varnarmanninn Lloyd Kelly á láni frá Newcastle United út leiktíðina, en skiptin verða gerð varanleg eftir tímabilið.
Kelly er 26 ára gamall og uppalinn hjá Bristol City, en gekk síðan í raðir Bournemouth árið 2019.
Þar spilaði hann í fimm ár áður en hann fór til Newcastle á frjálsri sölu síðasta sumar.
Á þessu tímabili spilaði hann 14 leiki með Newcastle í öllum keppnum.
Juventus hefur verið í leit að fjölhæfum varnarmanni eins og Lloyd, sem getur bæði spilað sem miðvörður og bakvörður, og hefur félagið nú landað Englendingnum á láni út tímabilið.
Félagaskiptin verða gerð varanleg í sumar en kaupverðið er 20 milljónir punda.
Ufficiale | Lloyd Kelly è un nuovo giocatore della Juventus!
— JuventusFC (@juventusfc) February 3, 2025
Benvenuto in ??
Athugasemdir
