Ange Postecoglou og lærisveinar hans í Tottenham eiga erfitt verkefni fyrir höndum. Liðið hefur ekki unnið deildarleik síðan um miðjan desember og situr nú í 16. sæti deildarinnar.

Brentford hefur á meðan unnið tvo af síðustu fimm leikjum sínum, en liðið er í 11. sæti.

Mikey Moore, sem átti flottan leik með Tottenham gegn Elfsborg í Evrópudeildinni í vikunni, er í byrjunarliðinu í dag.

Stærsti moli dagsins er að íslenski landsliðsmarkvörðurinn Hákon Rafn Valdimarsson er í marki Brentford. Þetta verður hans fyrsti byrjunarliðsleikur og annar leikurinn sem hann spilar í deildinni, en hann kom kom inn af bekknum í markalausu jafntefli gegn Brighton í lok desember.

Mark Flekken, aðalmarkvörður Brentford, er ekki í hópnum.

Brentford: Valdimarsson, Lewis-Potter, Van den Berg, Collins, Ajer, Janelt, Norgaard, Schade, Damsgaard, Mbeumo, Wissa.

Tottenham: Kinsky, Gray, Davies, Spence, Porro, Bissouma, Bentancur, Kulusevski, Son, Richarlison, Moore.

Alejandro Garnacho er í byrjunarliði Manchester United gegn Crystal Palace. Hann hefur verið orðaður frá félaginu í glugganum en Ruben Amorim vill ólmur halda honum.

Matthijs De Ligt er á bekknum og sama á við um Rasmus Höjlund og Joshua Zirkzee. Ayden Heaven, sem kom til Man Utd frá Arsenal á dögunum, er ekki í hópnum og þá má Patrick Dorgu ekki spila þennan leik.

Man Utd: Onana, Mazraoui, Maguire, Martinez, Fernandes, Yoro, Amad, Garnacho, Dalot, Ugarte, Mainoo

Crystal Palace: Henderson, Mitchell, Lacroix, Guehi, Sarr, Lerma, Munoz, Mateta, Kamada, Hughes, Richards