Adrien Rabiot.
Það er talið líklegt núna að franski miðjumaðurinn Adrien Rabiot muni skrifa undir hjá Al-Nassr í Sádi-Arabíu.
Rabiot er enn samningslaus eftir að hafa yfirgefið Juventus síðasta sumar. Hann hefur verið orðaður við félög í ensku úrvalsdeildinni, og þar á meðal Liverpool og Manchester United, en hann hefur enn ekki skrifað undir samning.
Núna segir Corriere dello Sport að Al-Nassr sé líklegur áfangastaður en félagið hefur boðið honum stóran samning.
Ef Rabiot skrifar undir hjá Al-Nassr þá kemur hann til með að fá 20 milljónir evra í árslaun.
Cristiano Ronaldo er leikmaður Al-Nassr en hann er sagður spenntur fyrir því að fá Rabiot til félagsins og er að ýta á eftir því.
Athugasemdir
