Víðir Þorvarðar.
Jonni með brúsana í gær.
ÍBV heimsótti Víking í 1. umferð Bestu deildarinnar í gær. Það vakti athygli að reynsluboltinn Víðir Þorvarðarson var ekki í leikmannahópi ÍBV í leiknum.
Víðir er 32 ára kantmaður sem lék 13 leiki með ÍBV í Lengjudeildinni í fyrra og skoraði tvö mörk. Hann lék síðast í efstu deild sumarið 2019 og á alls að baki 140 leiki í efstu deild og hefur í þeim skorað 22 mörk.
Þorlákur Árnason, þjálfari ÍBV, var spurður út í Víði í viðtali eftir leikinn í gær.
Víðir er 32 ára kantmaður sem lék 13 leiki með ÍBV í Lengjudeildinni í fyrra og skoraði tvö mörk. Hann lék síðast í efstu deild sumarið 2019 og á alls að baki 140 leiki í efstu deild og hefur í þeim skorað 22 mörk.
Þorlákur Árnason, þjálfari ÍBV, var spurður út í Víði í viðtali eftir leikinn í gær.
Lestu um leikinn: Víkingur R. 2 - 0 ÍBV
„Hann er alveg heill, við vorum með þrjá sóknarmenn á bekknum. Við getum bara (þurfum að vera með a.m.k.) tvo 2. flokks stráka á bekknum (ef við viljum vera með níu varamenn). Það eru ákveðnar hömlur. Þá var einn sóknarmaður eftir og hann varð eftir í dag, það er bara þannig," sagði Láki.
Þeir Omar Sowe, Sverrir Páll Hjaltested og Arnar Breki Gunnarsson eru sóknarmennirnir sem byrjuðu á bekknum í gær.
Það vakti einnig athygli að Jón Ingason var í liðsstjórn ÍBV í gær. Láki sagði frá því í vetur að Jón yrði mjög ólíklega með ÍBV í sumar.
„Nei, Jonni var með okkur í dag sem liðsstjóri, er frábær í því. Hann er nýbúinn að eignast barn og við reiknum ekki með honum í sumar," sagði Láki.
Athugasemdir
