Middlesbrough er í leit að nýjum knattspyrnustjóra og hefur Michael Carrick, fyrrum miðjumaður Manchester United, verið nefndur til sögunnar.
Carrick, 41 árs, hefur viðræður við Middlesbrough eftir helgina samkvæmt ýmsum fjölmiðlum á Englandi. Middlesbrough er í stjóraleit eftir að Chris Wilder var rekinn á dögunum.
Carrick hefur verið atvinnulaus í tæpt ár eftir að hann tók við Manchester United sem bráðabirgðastjóri eftir að Ole Gunnar Solskjær var rekinn í nóvember í fyrra.
Carrick, sem spilaði tæplega 500 leiki fyrir Man Utd, var við stjórn hjá félaginu í þrjá leiki áður en Ralf Rangnick var ráðinn. Rauðu djöflarnir unnu gegn Arsenal og Villarreal og gerðu jafntefli við Chelsea með Carrick á hliðarlínunni.
Athugasemdir
