Daníel Leó Grétarsson var í byrjunarliði Slask Wroclaw sem rúllaði yfir Gornik Zabrze í pólsku deildinni í dag.
Daníel Leó spilaði sem miðvörður í þriggja manna varnarlínu og lagði annað mark leiksins upp í 4-1 sigri. Wroclaw er þar um miðja deild með 16 stig eftir 12 umferðir.
Það voru nokkrir Íslendingar sem komu við sögu í Svíþjóð þar sem Sirius gerði jafntefli við Degerfors í efstu deild. Aron Bjarnason lék allan leikinn á kantinum hjá Sirius á meðan Óli Valur Ómarsson var ónotaður varamaður.
Sirius er með 27 stig eftir 25 umferðir, fimm stigum fyrir ofan fallsvæðið þegar fimm leikir eru eftir af deildartímabilinu.
Slask Wroclaw 4 - 1 Gornik Zabrze
Degerfors 0 - 0 Sirius
Í sænsku B-deildinni lék Alex Þór Hauksson allan leikinn í markalausu jafntefli hjá Öster gegn Landskrona. Öster er í flottri stöðu í baráttunni um þriðja sætið, með þriggja stiga forystu á næsta lið þegar fjórar umferðir eru eftir. Þriðja sætið gefur umspilsleik um sæti í efstu deild.
Böðvar Böðvarsson spilaði fyrstu 75 mínúturnar í tapi Trelleborg gegn Skovde AIK. Trelleborg er svo gott sem búið að missa af þriðja sætinu eftir tvo tapleiki í röð og siglir lygnan sjó.
Atli Barkarson kom þá inn af bekknum í markalausu jafntefli SönderjyskE gegn Hobro í B-deild danska boltans. SönderjyskE er þar í þriðja sæti með 24 stig eftir 12 umferðir.
Öster 0 - 0 Landskrona
Skovde AIK 3 - 1 Trelleborg
SönderjyskE 0 - 0 Hobro
Að lokum var Kolbeinn Þórðarson í byrjunarliði Lommel sem tapaði fyrir Deinze í belgísku B-deildinni á meðan Jón Daði Böðvarsson kom inn af bekknum í tapi Bolton í ensku C-deildinni.
Kolbeinn spilaði fyrstu 75 mínúturnar fyrir Lommel sem er með 12 stig eftir 8 umferðir á meðan Jón Daði fékk síðustu 20 í 1-0 tapi gegn Forest Green.
Þetta var annar 1-0 tapleikur Bolton í röð og er liðið með 20 stig eftir 12 umferðir.
Deinze 3 - 0 Lommel
Forest Green 1 - 0 Bolton
