Þessi þrítugi markvörður hefur misst stöðu sína í byrjunarliði Chelsea og núna gæti hann lent í því sama hjá Senegal.

Hann átti erfitt uppdráttar gegn Hollandi og hefði nú líklega getað gert betur í mörkunum sem Hollendingar skoruðu.

Fréttamaðurinn Saddick Adams segir frá því að Aliou Cisse ætli sér að stokka upp í liðinu fyrir leikinn gegn Katar og það feli í sér að skipta um markvörð.

Líklegt er þá að Alfred Gomis, markvörður Rennes í Frakklandi, komi inn í markið fyrir Mendy.

Adams segir að Bamba Dieng, sóknarmaður Marseille, muni þá koma inn í liðið fyrir leikinn við Katar á föstudaginn.