| mið 17.apr 2019 12:30 Mynd: Fótbolti.net - Hafliði Breiðfjörð |
|
Spá Fótbolta.net - 5. sæti: Stjarnan
Spáin:
1. ?
2. ?
3. ?
4. ?
5. Stjarnan 76 stig
6. ÍA 69 stig
7. KA 65 stig
8. Fylkir 45 stig
9. Grindavík 35 stig
10. ÍBV 34 stig
11. Víkingur R. 25 stig
12. HK 12 stig
Þjálfari - Rúnar Páll Sigmundsson: Rúnar Páll er fyrrum leikmaur Stjörnunnar og er öllum hnútum kunnugur hjá félaginu. Hann er að byrja sitt sjötta tímabil með liðinu.
Styrkleikar: Sami hópur og síðustu ár með sama þjálfarann. Liðið er ríkjandi bikarmeistari sem segir sitt. Sóknarleikurinn er alltaf góður og fjölbreytilegur. Þeir hafa bætt við sig leikmönnum sem auka breiddina sem gæti hjálpað þeim þegar líður á sumarið.
Veikleikar: Stjarnan þarf að gera betur en í fyrra gegn liðunum í efri hlutanum. Margir af lykilmönnum liðsins eru komnir á seinni ár ferilsins og farið að hægjast á liðinu. Gengið á undirbúningstímabilinu var brösótt en liðið tapaði meðal annars 6-0 gegn nýliðum ÍA.
Lykilmenn: Hilmar Árni Halldórsson og Guðjón Baldvinsson. Halda uppi sóknarleik Stjörnunnar. Þeir skoruðu 21 mark samtals í Pepsi-deildinni í fyrra og áttu þátt í fjölmörgum til viðbótar. Hilmar Árni var óstöðvandi í fyrra og þarf að halda uppteknum hætti.
Gaman að fylgjast með: Sölvi Snær Guðbjargarson. Þessi 17 ára leikmaður lék 10 leiki í Pepsi-deildinni í fyrra með Stjörnunni var boðið að fara á æfingamót með U-19 ára liði AC Milan í mars. Það verður fróðlegt að fylgjast með honum í sumar.
Spurningamerkið: Stjarnan hefur verið rólegt á leikmannamarkaðnum og er liðið byggt upp á sömu leikmönnum og undanfarin ár. Spurningamerkið er hvort að Stjarnan sé að sofna á verðinum og hvort ekki hefði þurft að fá ferska vinda með nýjum og sterkum leikmönnum fyrir tímabilið.
Völlurinn: Stjarnan varð fyrsta félagið í efstu deild á Íslandi til að leika alla heimaleiki sína á gervigrasi. Stjarnan lék á nýju gervigrasi á síðasta tímabili. Það er yfirleitt betra að klæða sig aðeins betur áður en farið er í stúkuna í Garðabænum því sólin hefur sennilega aldrei skinið í stúkuna.
Þjálfarinn segir - Veigar Páll Gunnarsson
„Þetta er ágæt spá. Þessi spá hefur sjaldan verið rétt. Við erum með önnur markmið sem við höldum bara fyrir okkur. Það eru mörg góð lið í deildinni og okkur finnst bara fínt að vera spáð í 5. sæti. Við erum ótrúlega sáttir með undirbúningstímabilið og æfingaferðin gekk mjög vel. Við erum á réttri leið. Við erum ótrúlega sáttir með leikmannahópinn og við teljum okkur vera klárir fyrir mótið."
Komnir:
Elís Rafn Björnsson frá Fylki
Martin Rauschenberg frá Brommapojkarna
Nimo Gribenco frá AGF (á láni)
Ásgeir Þór Magnússon frá Val
Farnir:
Óttar Bjarni Guðmundsson í ÍA
Björn Berg Bryde í HK (á láni)
Terrance Dietrich til Bandaríkjanna
Kári Pétursson í Stjörnuna
Fyrstu fimm leikir Stjörnunnar:
27. apríl Stjarnan - KR
5. maí Grindavík - Stjarnan
10. maí Stjarnan - HK
15. maí Víkingur R. - Stjarnan
19. maí Stjarnan - KA
Sjá einnig:
Hin hliðin - Sölvi Snær Guðbjargarson
Niðurtalningin: Stjarnan - Haraldur Björnsson og Eyjólfur Héðinsson
Leikmenn Stjörnunnar sumarið 2019:
1 Alex Þór Hauksson
2 Ásgeir Þór Magnússon
3 Baldur Sigurðsson
4 Brynjar Gauti Guðjónsson
5 Daníel Laxdal
6 Elís Rafn Björnsson
7 Eyjólfur Héðinsson
8 Guðjón Baldvinsson
9 Guðjón Orri Sigurjónsson
10 Guðmundur Steinn Hafsteinsson
11 Haraldur Björnsson
12 Heiðar Ægisson
13 Hilmar Árni Halldórsson
14 Jóhann Laxdal
15 Jón Alfreð Sigurðsson
16 Jósef Kristinn Jósefsson
17 Kristófer Konráðsson
18 Martin Rauschenberg
19 Nimo Gribenco
20 Sölvi Snær Guðbjargarson
21 Þorri Geir Rúnarsson
22 Þorsteinn Már Ragnarsson
23 Þórarinn Ingi Valdimarsson
24 Ævar Ingi Jóhannesson
Athugasemdir
