Arsenal fær norska liðið Bodö/Glimt í heimsókn í Evrópudeildinni í kvöld.
Kjetil Knutsen stjóri Bodö/Glimt var mjög hrifinn af leikstíl Arsenal í viðureign liðsins gegn Zurich í fyrstu umferð riðlakeppni Evrópudeildarinnar.
Hann sagðist ætla fylgjast betur með Zurich í leiknum en fór svo að einbeita sér að Arsenal. Hann skildi ekki alveg uppleggið til að byrja með.
„Hvað í andskotanum eru þeir að gera? Þegar maður skoaði þetta nánar er þetta ekki flókið. Þeir eru mikið að skipta í vinstri bak, vinstra megin á miðju og vinstri væng. Þeir fá mikið frelsi til að skipta en þeir gera minna af því hægra megin," sagði Knutsen.
Íslenski landsliðsmaðurinn Alfons Sampsted er í byrjunarliði Bodö í kvöld.
Athugasemdir