„Þetta var fyrsti leikurinn sem við fáum ekki mark á okkur og það var ánægjulegt." voru fyrstu viðbrögð Péturs Péturssonar þjálfar Vals eftir 4-0 sigurinn gegn Stjörnunni á N1-vellinum á Hlíðarenda í dag.
Lestu um leikinn: Valur 4 - 0 Stjarnan
„Þetta var vel spilaður leikur, sérstaklega í seinni hálfleik settum við aðeins meiri hraða á boltann og það gékk vel upp og bara góður leikur hjá okkur."
„Þetta var svolítið lokað allt saman í fyrri hálfleik fannst mér, ekkert sérstaklega skemmtilegur leikur en mér fannst við koma út í seinni hálfleikinn og keyra hraðann upp meira."
Valur kom sér aftur á sigurbraut í dag en liðið tapaði í toppslag gegn Breiðablik í síðustu umferð. Hvernig horfir Pétur á tímabilið hingað til?
„Þú tapar alltaf leikjum einhversstaðar. Það er ekkert nýtt að við töpum í Kópavogi á móti Breiðablik þannig hefur þetta verið undanfarin ár, auðvitað er ég ekkert sáttur með að tapa í Kópavoginum en svona er þetta og við erum bara á góðum stað eins og staðan er í dag."
Að lokum var Pétur Pétursson spurður út í framhaldið í deildinni og skaut hann á fjölmiðlamenn í því svari
„Ég vill meina það að þetta eru allt erfiðir leikir þó að þið haldið eitthvað annað þið fréttamenn. „Ég er að skjóta á ykkur sko" þannig þetta eru erfiðir leikir, góð taktík á móti þessum liðum þannig þetta er ekkert auðvelt."