Jóhann Berg Guðmundsson í leik með íslenska landsliðinu
Landsliðsmaðurinn Jóhann Berg Guðmundsson og félagar hans í sádi-arabíska félaginu Al Orobah töpuðu fyrir toppliði Al Ittihad, 2-0, í 27. umferð deildarinnar í kvöld.
Jóhann Berg lék allan leikinn hjá Al Orubah og var einn af bestu mönnum liðsins. Hann fær 6,8 í einkunn á FotMob.
Blikinn skapaði tvö færi og átti sjálfur þrjár tilraunir fyrir utan teig sem hæfðu ekki markið.
Unai Hernandez og Abdulrahman Al-Obood skoruðu mörk heimamanna sem kom þeim í átta stiga forystu á toppnum.
Al Orobah var hins vegar að tapa fjórða deildarleiknum í röð en liðið situr í 14. sæti með 26 stig þegar sjö umferðir eru eftir.
Athugasemdir
