Það hefur gengið illa hjá Adam Ægi Pálssyni að fá mínútur á Ítalíu en hann var enn eina ferðina á bekknum í kvöld þegar Novara gerði svekkjandi jafntefli gegn Lumezzane í C-deildinni.
Novara var 2-0 yfir í hálfleik en Lumezzane tókst að jafna með tveimur mörkum í seinni hálfleik.
Adam Ægir hefur aðeins komið við sögu í þremur leikjum fyrir Novara en hann gekk til liðs við félagið á láni eftir að hafa verið á láni hjá Perugia fyrri hluta tímabilsins frá Val.
Novara er í 10. sæti með með 49 stig eftir 36 umferðir en tvær umferðir eru eftir.
Breki Baldursson kom ekkert við sögu þegar Esbjerg steinlá 6-0 gegn OB í næst efstu deild í Danmörku. Ari Leifsson er á meiðslalistanum hjá Kolding en liðið tapaði 3-1 gegn Hvidovre. Esbjerg er í 6. sti með 37 stig, jafn mörg stig og Kolding sem er í sætinu fyrir ofan.
Óskar Sverrisson spilaði allan leikinn fyrir Ariana í 3-0 sigri gegn Hassleholms í sænsku C-deildinni. Óskar er 32 ára og fæddur og uppalinn í Svíþjóð en hann á íslenskan föður og á einn landsleik að baki fyrir Ísland.
Athugasemdir
