Þórdís Hrönn Sigfúsdóttir.
Þórdís var stórkostleg með Val sumarið 2022 þar sem liðið vann tvöfalt.
Í leik með Val í fyrra.
Víkingsliðið hafnaði í þriðja sæti Bestu deildarinnar síðasta sumar.
„Tilfinningin er bara góð. Ég er spennt fyrir tímabilinu," segir Þórdís Hrönn Sigfúsdóttir sem gekk á dögunum í raðir Víkings frá Val.
„Stelpurnar eru frábærar og hafa tekið mér mjög vel. Þjálfararnir eru það líka og hafa mikla trú á liðinu öllu. Þetta er bara spennandi."
„Stelpurnar eru frábærar og hafa tekið mér mjög vel. Þjálfararnir eru það líka og hafa mikla trú á liðinu öllu. Þetta er bara spennandi."
Þórdísi var frjálst að fara frá Val og var áhuginn á henni mikill. Nokkur félög í Bestu deildinni sýndu henni áhuga en hún valdi að ganga í raðir Víkings.
„Ég hafði úr einhverju að velja en þegar ég átti spjall við John (Andrews, þjálfara Víkinga), þá var valið aldrei erfitt. Hann hafði mikið um það að segja um hvaða ákvörðun ég tók. Stelpurnar tóku vel á móti mér og hópurinn er mjög góður, umhverfið er líka skemmtilegt. Markmiðið og stefnan hjá félaginu er áhugaverð og eitthvað sem ég vil taka þátt í."
Alveg erfitt að fara frá Val
Þórdís á að baki 149 leiki í efstu deild og hefur í þeim skorað 30 mörk. Hér á landi hefur hún spilað með Breiðabliki, Stjörnunni, Þór/KA, KR og Val. Þórdís á einnig að baki tvo A-landsleiki. Hún hafði leikið með Val frá 2022 og átti þar mjög góðan tíma.
„Það er alveg erfitt að fara frá Val. Ég var mjög náin stelpunum og hafði verið þarna frá 2022, unnið nokkra titla. Það var erfitt en á sama tíma gott að vera komin í gott umhverfi með góða þjálfara," segir Þórdís.
Hún fékk skilaboð um að hún væri ekki í plönum nýrra þjálfara Vals.
„Þetta gerðist alveg ágætlega hratt. Ég var bara ekki í plönum hjá þjálfurunum og ég virði það. Svo kom það bara upp að önnur félög vissu af þessu og höfðu samband. Ég ræddi við nokkur félög og þetta var niðurstaðan."
Var erfitt að heyra það að þú værir ekki í plönum nýrra þjálfara?
„Það er ekki gaman að heyra það en svona er það bara. Þjálfarar hafa mismunandi skoðanir og sýn á hlutina. Ég tek því bara," segir Þórdís en hún átti líklega sitt besta tímabil á ferlinum árið 2022 með Val er liðið vann tvöfalt. Hún var stórkostleg í því liði.
„Árið 2022 var mjög skemmtilegt, alveg ótrúlega gaman og mjög mikil liðsheild. Þjálfarateymið var mjög gott. Pétur (Pétursson) er einstakur þjálfari sem náði því besta úr öllum. Ég mun alltaf muna eftir því tímabili."
Sleit krossband í annað sinn
Þórdís missti af öllu tímabilinu 2023 vegna meiðsla og sneri til baka á síðasta tímabili. Hvernig hefur gengið að koma til baka eftir meiðslin?
„Þetta er í annað skiptið þar sem ég slít krossband og það er sárt. Þetta tekur eiginlega meira á andlegu hliðina en þá líkamlegu. Það var erfitt að koma til baka, þetta er þolinmæði," segir Þórdís.
„Það er erfitt að koma til baka rétt fyrir tímabil og ná ekki undirbúningstímabilinu. En það gerir mann bara sterkari."
„Þetta var mikið sjokk og hvað þá eftir svona gott tímabil. Þetta er í annað skipti þar sem ég verð Íslandsmeistari og slít krossband eftir það. Ákveðinn skellur. Maður hafði reynslu af þessu og vann með það," sagði þessi öflugi leikmaður.
Held að þetta verði áhugavert sumar
Víkingur hafnaði í þriðja sæti Bestu deildarinnar á síðustu leiktíð og Þórdís er spennt fyrir komandi sumri með nýju liði.
Mér líður bara vel og ég hef verið að æfa síðan seinasta tímabil kláraðist. Ég er mjög spennt og finn að við náum vel saman allar, og erum að tengja. Ég held að þetta verði áhugavert sumar."
Eruð þið búin að setja ykkur eitthvað markmið?
„Við erum búin að því. Stefnir maður ekki alltaf á toppinn? Annars væri ekkert gaman að þessu. Ég held að þetta verði jafnt," sagði Þórdís að lokum en allt viðtalið má sjá í spilaranum hér að ofan.
Athugasemdir
