Bayer Leverkusen og West Ham United hafa bæði áhuga á spænska miðjumanninum Aleix García, en Þýskalandsmeistararnir virðast vera staðráðnir í að sigra það kapphlaup.
García er 26 ára gamall og var einn af lykilmönnunum á frábæru tímabili hjá Girona í spænska boltanum.
Það kom á óvart þegar García missti af sæti í spænska landsliðshópnum fyrir EM, en Xabi Alonso þjálfari Leverkusen hefur miklar mætur á leikmanninum.
Stjórnendur hjá Leverkusen og Girona hittust í gær til að ræða málin og er talið að þýska félagið leiði kapphlaupið um leikmanninn eftir þann fund.
West Ham er staðráðið í að styrkja leikmannahópinn sinn fyrir komandi leiktíð undir stjórn Spánverjans Julen Lopetegui, sem fylgist náið með spænska boltanum og hefur miklar mætur á Garcia.
Garcia ólst upp hjá Villarreal en var hjá Manchester City í fimm ár, frá 2015 til 2020.
Miklar líkur eru taldar vera á því að Garcia kjósi að skipta til Leverkusen frekar en West Ham.
Leverkusen þarf að borga um 20 milljónir evra fyrir miðjumanninn, auk aukagreiðslna.
Athugasemdir
