Óskar Hrafn Þorvaldsson.
Blikar fagna marki.
Óskar Hrafn Þorvaldsson, þjálfari Breiðabliks, var spurður út í einvígið gegn Aberdeen í Sambandsdeildinni, eftir nauman sigur á ÍA í Pepsi Max-deildinni í gærkvöld.
Aberdeen vann báða leikina með einu marki og er félagið núna einu skrefi frá riðlakeppninni. Á meðan er ævintýri Blika í Evrópukeppninni á enda komið.
Seinni leikurinn var í Skotlandi og hefðu Blikar svo sannarlega getað unnið hann, með því að nýta færin sem þeir fengu. Þeir gerðu það hins vegar ekki og því fór sem fór.
Óskar Hrafn talaði ekki vel um Aberdeen í skoskum fjölmiðlum eftir seinni leikinn. Hann vandaði fyrirliðanum Scott Brown og markverðinum Joe Lewis ekki kveðjurnar.
„Scott Brown má segja það sem hann vill en hann má ekki koma inn í klefann okkar og áreita leikmennina okkar," sagði Óskar en hann var meira spurður út í þetta eftir sigurinn gegn ÍA í gær.
„Ég er stoltur af liðinu mínu í þessum tveimur leikjum. Ég get haldið langan fyrirlestur um hvað mér finnst um andstæðinga okkar. Ég hef sagt það sem ég þarf að segja," sagði Óskar.
„Það sem upp úr þessu stendur er að við lærðum helling af þessu. Ég treysti því að liðið taki lærdóminn með sér í það sem er eftir af þessu tímabili, og svo áfram. Það var dýrmætt að fá sex leiki sem skiptu miklu máli og reyndu á menn. Ég gæti ekki verið ánægðari með lífið en núna."
Óskar gagnrýndi Aberdeen fyrir þeirra spilamennsku eftir fyrri leikinn. Hann sagði liðið lélegt og að þeir hefðu ekki reynt að spila fótbolta. Skagamenn voru mjög varnarsinnaðir í gær. Þór Bæring Ólafsson, blaðamaður Morgunblaðsins, spurði Óskar hvort ÍA hefði verið að spila svipaðan leik og Aberdeen.
„Þú munt aldrei fá mig til að gagnrýna íslensk fótboltalið fyrir það hvernig þau nálgast leikina. Við verðum að átta okkur á því að Aberdeen er skokst atvinnumannalið með 1500 miljónir í launkostnað á ári þannig að þeir áttu bara skilið að fá að heyra það. Mér fannst Skaginn bara gera þetta vel. Þeir gerðu það sem þeir töldu að þeir þyrftu að gera til að ná úrslitum hérna og eins og ég sagði áðan þá fannst mér þeir setja verðugt verkefni á borðið hjá okkur sem var að leysa þetta lágblokk," sagði Óskar við Morgunblaðið.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
