Gísli Gottskálk Þórðarson.
Arnar Gunnlaugsson, þjálfari Víkinga, telur það óraunhæft að Gísli Gottskálk Þórðarson verði áfram hjá félaginu á næstu leiktíð.
Gísli Gottskálk blómstraði í sumar og hefur leikið frábærlega í Sambandsdeildinni. Hann var valinn efnilegasti leikmaður Bestu deildarinnar af Fótbolta.net.
Gísli Gottskálk blómstraði í sumar og hefur leikið frábærlega í Sambandsdeildinni. Hann var valinn efnilegasti leikmaður Bestu deildarinnar af Fótbolta.net.
„Ég tel nánast engar líkur á því," sagði Arnar við Fótbolta.net í dag spurður að því hvort hann teldi einhverja möguleiki á að Gísli verði áfram hjá félaginu á næstu leiktíð.
„Ef ég á að segja alveg eins og er, þá er það bara óraunhæft. Næsta skref hans og fleiri leikmanna í okkar liði er ekki endilega að spila með okkur. Næsta skref í hans þróun er erlendis myndi ég segja."
Einnig er möguleiki á því að leikmenn eins og Ari Sigurpálsson og Danijel Dejan Djuric fari í atvinnumennsku. Þeir hafa staðið sig vel í Sambandsdeildinni.
„Það eru 3-4 sem gera klárlega tilkall til þess. Þessi Sambandsdeildargluggi hefur verið frábær fyrir þessa stráka til að sýna sig og sanna á stærra svæði. Ég á von á því að einhverjir verði seldir fljótlega, jafnvel í janúarglugganum," sagði Arnar.
Víkingar mæta LASK frá Austurríki í Sambandsdeildinni annað kvöld og þá ræðst það hvort liðið komist áfram í umspil.
Athugasemdir
