Fagn Grealish vakti athygli en það var tileinkað hans stærsta aðdáanda sem hann hitti áður en hann fór til Katar til að spila á heimsmeistaramótinu.

Strákurinn sem heitir Finlay er með CP - hreyfihömlun (e. cerebral palsy). Hann sendi Grealish hjartnæmt bréf og fékk í kjölfarið að hitta hetju sína.

Systir Grealish er að glíma við sömu veikindi og hann þekkir því vel hvað Finlay þarf að takast á við. Það var gríðarlega fallegt að sjá það þegar Grealish hitti Finlay fyrir stuttu síðan.

Grealish bauðst til að gera fagn fyrir Finlay og bað hann strákinn unga um uppástungu að fagni. Grealish tók svo það fagn þegar hann skoraði í dag.