Martin Ödegaard, fyrirliði Arsenal, átti stórleik er liðið rústaði PSV Eindhoven, 7-1, í fyrri leik liðanna í 16-liða úrslitum Meistaradeildar Evrópu í gær.
Arsenal varð fyrsta liðið í sögu Meistaradeildarinnar til að skora sjö mörk á útivelli í útsláttarkeppninni.
Ödegaard átti sjálfur magnaðan leik en hann skoraði tvö og lagði upp eitt.
„Ég naut leiksins. Það er alltaf erfitt þegar þú ert að spila á þessu stigi keppninnar og sérstaklega á útivelli þannig mér fannst við gera ótrúlega vel að ná í svona úrslit,“ sagði Ödegaard.
Arsenal hafði farið í gegnum tvo deildarleiki án þess að skora, en í gær sást hvað býr í þessu liði.
„Það er erfitt að útskýra það en ég held að við höfum lagt mikla vinnu í að bæta okkur úr síðustu tveimur leikjum. Í dag sástu hvað við erum færir um að gera og vonandi höldum við áfram á sömu braut.“
„Við vitum hversu mikilvægt hvert einasta mark er og erum við ánægðir með úrslitin,“ sagði Ödegaard.
Athugasemdir
