Unnar Steinn.
Ingvar í leik með Þrótti.
Unnar Steinn Ingvarsson er mættur aftur í Þrótt Reykjavík eftir sextán ár í burtu. Unnar var í yngstu flokkunum hjá Þrótti áður en hann hélt í Fram þar sem hann svo steig sín fyrstu skref í boltanum. Eftir tímabilið 2020 fór hann í Fylki og var þar þangað til í dag þegar hann skipti yfir í Þrótt.
Fótbolti.net ræddi stuttlega við Unnar Stein í dag.
Fótbolti.net ræddi stuttlega við Unnar Stein í dag.
„Þróttarar spurðust fyrir um mig og mér fannst það spennandi. Ég komst aldrei á skrið hjá Fylki vegna meiðsla og var ekki ofarlega í goggunarröðinni. Ég er kominn í gott stand núna og spennandi tímar í vændum hjá Þrótti," segir Unnar.
Hann er búinn að vera heill heilsu í um tvo mánuði en hefur einungis komið við sögu í fjórum leikjum í sumar. Meiðsli hafa sett strik í reikninginn hjá Unnari undanfarin tvö tímabil.
„Ég reif sin í hælnum þegar ég skoraði sjálfsmarkið gegn Val í fyrra. Þá var ég frá í rúmlega 14 vikur. Svo lendi ég í því að rífa sömu sin í hinum hælnum um miðjan febrúar. Þá var ég frá í 15 vikur en er núna búinn að vera heill í tvo mánuði."
Ingvar Þór Ólason er faðir Unnars en hann lék með Þrótti, Fylki og Fram á sínum ferli, alls 500 meistaraflokksleiki samkvæmt KSÍ. Þegar Unnar spilar með Þrótti verður hann búinn að feta í fótspor pabba síns.
„Við höfum rætt þetta. Pabba finnst hann rosalega sniðugur þegar hann grínast með að ég sé að herma eftir ferlinum hans," segir Unnar.
Hann er 23 ára og spilar oftast sem miðjumaður en getur leyst fleiri stöður á vellinum. Hann er kominn með leikheimild fyrir leik Þróttar gegn Fjölni á morgun.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 22 | 11 | 6 | 5 | 50 - 27 | +23 | 39 |
| 2. Keflavík | 22 | 10 | 8 | 4 | 37 - 24 | +13 | 38 |
| 3. Fjölnir | 22 | 10 | 7 | 5 | 34 - 28 | +6 | 37 |
| 4. Afturelding | 22 | 11 | 3 | 8 | 39 - 36 | +3 | 36 |
| 5. ÍR | 22 | 9 | 8 | 5 | 30 - 28 | +2 | 35 |
| 6. Njarðvík | 22 | 8 | 9 | 5 | 34 - 29 | +5 | 33 |
| 7. Þróttur R. | 22 | 8 | 6 | 8 | 37 - 31 | +6 | 30 |
| 8. Leiknir R. | 22 | 8 | 4 | 10 | 33 - 34 | -1 | 28 |
| 9. Grindavík | 22 | 6 | 8 | 8 | 40 - 46 | -6 | 26 |
| 10. Þór | 22 | 6 | 8 | 8 | 32 - 38 | -6 | 26 |
| 11. Grótta | 22 | 4 | 4 | 14 | 31 - 50 | -19 | 16 |
| 12. Dalvík/Reynir | 22 | 2 | 7 | 13 | 23 - 49 | -26 | 13 |
Athugasemdir
