Fullt nafn: Elín Metta Jensen

Gælunafn sem þú þolir ekki: Það er ekkert gælunafn sem fer eitthvað sérstaklega í taugarnar á mér. Mettfríður og Pippa Jensen eru í uppáhaldi.

Aldur: 19 ára.

Gift/sambúð: Ekkert svoleiðis.

Börn: Engin börn.

Kvöldmatur í gær: Börger og fröllur.

Uppáhalds matsölustaður: Gló og Búllan.

Hvernig bíl áttu: Á ekki bíl.

Besti sjónvarpsþáttur: Er búin að sjá nokkra þætti af Game of Thrones og þeir eru fínir.

Uppáhalds hljómsveit: Foster the People.

Uppáhalds skemmtistaður: Fjósið Hlíðarenda.

Frægasti vinur þinn á Facebook: Vafalaust Þorgrímur Þráinsson.

Hvernig hljómar síðasta sms sem þú fékkst: Hringdu þegar við eigum að koma út. Erum ready.

Hefurðu tekið dýfu innan teigs: Aldrei.

Hvaða liði myndir þú aldrei spila með: KR.

Besti leikmaður sem þú hefur mætt: Laufey Ólafsdóttir var alltaf óstöðvandi í Brassa og spili.

Mest óþolandi leikmaður sem þú hefur mætt: Króatíski miðvörðurinn sem kæfði mig nánast með rakspíralykt, var hausnum hærri en ég og smellti handakrikanum alltaf í andlitið á mér þegar hún gat. Óþolandi.

Sætasti sigurinn: Það var gaman að vinna bikarúrslitaleikinn gegn KR hér um árið.

Mestu vonbrigðin: Þegar pabbi hætti að smyrja með mér nesti í skólann.

Uppáhalds lið í enska: Chelsea.

Ef þú fengir að velja einn leikmann úr öðru íslensku liði í þitt lið: Held það væri gaman að spila með Katrínu Ásbjörns.

Fyrsta verk ef þú yrðir formaður KSÍ: Taka hlaupabrautina.

Efnilegasti knattspyrnumaður landsins: Aron Elís og Lilý Rut.

Fallegasti knattspyrnumaðurinn: Eiður Smári.

Fallegasta knattspyrnukonan í deildinni: Dóra María.

Besti íþróttalýsandinn: Gummi Ben.

Hver er mesti höstlerinn í liðinu: Kristín Ýr og Svava Rós deila þessum titli.

Uppáhalds staður á Íslandi: Reykjavík er dásamlegur staður.

Segðu okkur frá skemmtilegu atviki sem gerst hefur í fótboltanum: Þegar við í U17 fórum til Færeyja til að keppa æfingaleiki meiddist varnarkempan og lífskúnstnerinn Ingunn Haraldsdóttir korter í brottför. Hún var víst að teygja sig í sjampó í sturtu og festist svona illa í hálsinum. Hún kom samt út með liðinu en var föst nánast alla ferðina með hallandi haus. Við hættum varla að hlæja að henni alla ferðina. Inná milli sýndum við henni samt stuðning og fögnuðum síðan gífurlega þegar hún náði fullum bata.

Hvenær lékstu þinn fyrsta leik með meistaraflokki: Þegar ég var 15 ára.

Besta við að æfa fótbolta: Félagsskapurinn er dýrmætur. Síðan elska ég skot- og tækniæfingar.

Hvenær vaknarðu á daginn: Kringum 8.

Fyrir utan knattspyrnu, fylgist þú með öðrum íþróttum: Já, mér finnst voða gaman að fylgjast með handbolta, körfubolta og frjálsum.

Hvenær borgaðir þú þig síðast inn á knattspyrnuleik: Í fyrrasumar þegar ég fór á einhvern leik í Pepsi karla.

Í hvernig fótboltaskóm spilar þú: Nike Tiempo.

Í hverju varstu/ertu lélegastur í skóla: Efnafræði var ekkert í uppáhaldi hjá mér síðasta vetur.

Vandræðalegasta augnablik: Ábyggilega þegar ég kúkaði á mig í Hagkaup.

Skilaboð til Freys Alexanderssonar: Þú ert flottur Freysi.

Viltu opinbera leyndarmál að lokum: Mér datt í hug að segja hér frá einu j00cy leyndarmáli. Síðan hugsaði ég aðeins málið og komst að þeirri niðurstöðu að það væri kannski ekkert sniðugt að margir viti þetta. Svo ég sleppi því bara að segja frá þessu.