Leedsarar voru í ham frá fyrstu mínútu. Brenden Aaronson og Manor Solomon gerðu tvö mörk á nokkrum mínútum.

Heimamenn fóru með tveggja marka forystu inn í hálfleikinn og héldu síðan áfram að raða inn mörkum í þeim síðari.

Daniel James skoraði á 50. mínútu og þá gerði Joel Piroe fjórða markið úr vítaspyrnu. Wilfried Gnonto, Mateo Fernandez og Piroe bættu síðan við þremur mörkum fyrir leikslok.

Leedsarar í sjöunda himni og á toppnum með 63 stig, en Sheffield United, sem vann 1-0 í dag, er skamm undan.

Ben Brereton Diaz, sem kom til félagsins á láni frá Southampton á dögunum, skoraði sigurmarkið.

Sheffield er aðeins tveimur stigum frá Leeds eftir þessa umferð.

Scott Parker og lærisveinar hans í Burnley gerðu markalaust jafntefli við Portsmouth. Þessi úrslit ættu ekki að koma neinum á óvart, en þetta var tíunda markalausa jafnteflið sem Burnley gerir á tímabilinu.

Burnely er í 3. sæti með 58 stig, fimm stigum frá toppnum.

Úrslit og markaskorarar:

Derby County 0 - 1 Sheffield Utd
0-1 Ben Brereton Diaz ('49 )

Hull City 1 - 2 Stoke City
1-0 Eliot Matazo ('6 )
1-1 Ali Al-Hamadi ('43 )
1-2 Andrew Moran ('74 )

Leeds 7 - 0 Cardiff City
1-0 Brenden Aaronson ('6 )
2-0 Manor Solomon ('13 )
3-0 Daniel James ('50 )
4-0 Joel Piroe ('65 , víti)
5-0 Wilfried Gnonto ('67 )
6-0 Mateo Fernandez ('88 )
7-0 Joel Piroe ('90 )

Millwall 2 - 1 QPR
1-0 Aaron Connolly ('1 )
1-1 Alfie Lloyd ('3 )
2-1 Luke Cundle ('25 )

Portsmouth 0 - 0 Burnley

Sheffield Wed 1 - 1 Luton
0-1 Alfie Doughty ('31 )
1-1 Michael Smith ('60 , víti)

Swansea 0 - 2 Coventry
0-1 Ellis Simms ('17 )
0-2 Brandon Thomas-Asante ('44 )