Plymouth hefur labbað í gegnum dimma dali síðustu mánuði en liðið var án sigurs í fimmtán deildarleikjum og liðið farið að fjarlægjast liðin fyrir ofan.

Miron Muslic tók við liðinu á dögunum og bætingin verið bersýnileg. Aðeins var tímaspursmál hvenær liðið myndi ná að kreista fram sigur og það kom í dag, þó með herkjum.

Jayson Molumby kom WBA yfir þegar stundarfjórðungur var til leiksloka, en skoski varamaðurinn Ryan Hardie sá til þess að sækja öll stigin fyrir heimamenn.

Hann jafnaði úr vítaspyrnu á 77. mínútu og tveimur mínútum síðar kom landsliðsmaðurinn Guðlaugur Victor Pálsson inn af bekknum til að þétta vörnina.

Á lokamínútunum skoraði Hardie sigurmark Plymouth við mikinn fögnuð heimamanna.

Sigurinn gríðarlega mikilvægur fyrir framhaldið en Plymouth er núna aðeins fjórum stigum frá öruggu sæti þegar sextán umferðir eru eftir.

Oxford United gerði 1-1 jafntefli við Bristol City þar sem tveir leikmenn Bristol fengu að líta rauða spjaldið og þá vann Norwich 1-0 sigur á tíu mönnum Watford.

Bandaríkjamaðurinn Josh Sargent gerði eina markið undir lok fyrri hálfleiks og kom Norwich upp í 8. sæti deildarinnar.

Úrslit og markaskorarar:

Oxford United 1 - 1 Bristol City
1-0 Greg Leigh ('59 )
1-1 Mark Sykes ('65 )
Rautt spjald: ,Joe Williams, Bristol City ('31)Ross Mccrorie, Bristol City ('86)

Plymouth 2 - 1 West Brom
0-1 Jayson Molumby ('74 )
1-1 Ryan Hardie ('77 , víti)
2-1 Ryan Hardie ('88 )

Watford 0 - 1 Norwich
0-1 Josh Sargent ('41 )
Rautt spjald: Vakoun Issouf Bayo, Watford ('35)