Daniel Ingi er 17 ára gamall og gekk til liðs við Nordsjælland frá ÍA síðasta sumar. Hann fékk nýjan samning í október eftir að hafa staðið sig vel með U19 liði félagsins.

Bróðir hans, Ísak Bergmann Jóhannesson, var einnig á skotsóknum í dag. Hann kom Dusseldorf yfir þegar liðið vann Ulm 3-2 í næst efstu deild í Þýskalandi. Hann lék allan leikinn en Valgeir Lunddal Friðriksson var tekinn af velli í hálfleik.

Liðið er í 3. sætimeeð 33 stig eftir 20 umferðir. Liðið er ósigrað í þremur leikjum í röð.

Jón Dagur Þorsteinsson var ónotaður varamaður þriðja leikinn í röð þegar Hertha Berlin tapaði 2-0 gegn Regensburg. Hertha er í 12. sætimeð 25 stig en Regensburg er á botninum.

Jón Daði Böðvarsson spilaði í markalausu jafntefli Burton gegn Barnsley í ensku C-deildinni. Liðið er í 21. sæti, þremur stigum frá öruggu sæti.

Benoný Breki Andrésson var ónotaður varamaður þegar Stockport lagði Leyton 1-0 og Willum Þór Willumsson og Alfons Sampsted voru ekki í leikmannahópi Birmingham þegar liðið vann Rotherham 2-1. Birmingham er á toppnum með 63 stig eftir 27 leiki en Stockport er í 4. sæti með 50 stig eftir 19 leiki.

Jason Daði Svanþórsson spilaði 85 mínútur þegar Grimsby vann Bromley 2-0 í ensku D-deildinni. Grimsby er í 9. sæti með 42 stig eftir 29 umferðir.

Sverrir Ingi Ingason var í banni þegar Panathinaikos vann 3-2 geegn OFI Crete í grísku deildinni. Liðið er í 2. sæti með 43 stig eftir 21 umferð. Liðið er stigi á eftir Olympiakos sem á leik til góða.