Allan Saint-Maximin, fyrrum leikmaður Newcastle, er á leið til Napoli á láni frá Al-Ahli.
Saint-Maximin gekk til liðs við Al-Ahli í Sádí-Arabíu árið 2023 eftir fjögurra ára dvöl hjá Newcastle. Hann tók eitt tímabil í Sádí áður en hann var lánaður til Fenerbahce í sumar.
Hann mun hins vegar ekki klára tímabilið í Tyrklandi því Fabrizio Romano greinir frá því að hann muni rifta samningnum við félagið og ganga til liðs við Napoli á láni en ítalska félagið mun borga 4 milljónir evra fyrir hann.
Napoli er á toppi ítölsku deildarinnar með þriggja stiga forystu á Inter sem á leik til góða.
Romano greinir þá einnig frá því að Alvaro Morata, framherji AC Milan, sé á leið til Tyrklands en hann fer til Galatasaray á láni út tímabilið en Galatasaray getur framlengt samninginn um ár til viðbótar og það er einnig kaupákvæði í samningnum.
Athugasemdir
