Tímabilið hjá Ousmane Dembele hefur verið algjör rússíbani en hann hefur farið hamförum undanfarið.
Dembele lenti upp á kant við Luis Enrique stjóra liðsins fyrir leik liðsins gegn Arsenal í Meistaradeildinni í september og var því ekki í leikmannahópi liðsins í leiknum.
Í lok október lagði hann upp mark í 3-0 sigri gegn Marseille í deildinni og fljótlega eftir það fór boltinn að rúlla.
Hann hefur verið sérstaklega iðinn við kolann frá því um miðjan desember en hann hefur skorað fjórtán mörk í síðustu níu leikjum. Hann skoraði þrennu gegn Brest í 5-2 sigri í deildinni í gær en hann hafði skorað þrennu í 4-1 sigri gegn Stuttgart í Meistaradeildinni fjórum dögum áður.
Athugasemdir
