Onana til Villa - Klopp hefur ekki áhuga á enska landsliðsþjálfarastarfinu - Atletico vill Alvarez
   fös 07. júní 2024 08:30
Jóhann Þór Hólmgrímsson
„Ætla ekki að segja honum að hann megi ekki mæta í brúðkaupið sitt"
Lengjudeildin
Mynd: Njarðvík
Njarðvík tapaði gegn Fjölni í toppslag í Lengjudeildinni í gær. Það vakti athygli að Króatinn Dominik Radic var ekki í leikmannahópi Njarðvíkur.

Lestu um leikinn: Fjölnir 4 -  2 Njarðvík

Radic hefur komið vel inn í liðið en hann gekk til liðs við Njarðvík fyrir tímabilið og hefur skorað þrjú mörk í sex leikjum.

Gunnar Heiðar Þorvaldsson þjálfari liðsins sagði frá því í viðtali við Fótbolta.net eftir leikinn í gær að Radic hafi verið fjarverandi þar sem hann væri að gifta sig.

„Hann er úti í Króatíu núna að gifta sig. Það var eitthvað sem við vissum fyrirfram, mig grunaði að þetta væri framherjinn sem við þurftum til að verða þetta lið sem við erum. Ég ætla ekki að segja honum það að hann megi ekki mæta í brúðkaupið sitt," sagði Gunnar Heiðar léttur í bragði.


Gunnar Heiðar: Við erum í toppbaráttunni og eigum það skilið
Athugasemdir
banner
banner