Fullt nafn: Halldór Smári Sigurðsson.

Gælunafn: Halli.

Aldur: 33 ára.

Hjúskaparstaða: Í sambúð með Stefaníu Þórðardóttur.

Hvenær lékstu þinn fyrsta leik með meistaraflokki: 2007.

Uppáhalds drykkur: Kókómjólk.

Uppáhalds matsölustaður: Eldofninn

Hvernig bíl áttu: Á ekki bíl en keyri um á bílaleigubíl - Volkswagen Golf.

Uppáhalds sjónvarpsþáttur: The Office.

Uppáhalds tónlistarmaður: Á engan einn uppáhalds tónlistarmann en hlusta mest á 70's og 80's sálartónlist.

Uppáhalds hlaðvarp: 99% Invisible.

Hvernig hljómar síðasta sms sem þú fékkst: "Sorry, I can't talk right now". Fæ mikið af því.

Hvaða liði myndir þú aldrei spila með: Kannski Pyongyang Sports Club.

Besti leikmaður sem þú hefur mætt: Margir mjög góðir en enginn einn sem kemur í hugann.

Besti þjálfarinn sem hefur þjálfað þig: Arnar Gunnlaugsson.

Mest óþolandi leikmaður sem þú hefur mætt: I plead the fifth.

Hver var fyrirmyndin þín í­ æsku: Mamma og pabbi.

Sætasti sigurinn: Á móti Leikni í síðasta leik Íslandsmótsins 2021.

Mestu vonbrigðin: Ekkert sem situr í mér til lengri tíma.

Uppáhalds lið í enska: Bolton Wanderers.

Ef þú fengir að velja einn leikmann úr öðru íslensku liði í þitt lið: Hallgrím Mar. Fyrir utan Grímsa þá Bjarna Pál Runólfsson og Dofra Snorrason.

Efnilegasti knattspyrnumaður/kona landsins: Stígur Diljan Þórðarson.

Fallegasti knattspyrnumaðurinn á Íslandi: Axel Freyr er ekkert eðlilega myndarlegur.

Fallegasta knattspyrnukonan á Íslandi: Stelpurnar í mfl. kvenna hjá Víking eru allar glæsilegar.

Besti knattspyrnumaðurinn frá upphafi: Messi.

Hver er mesti höstlerinn í­ liðinu: Vona að það sé enginn þar sem ég held í fljótu bragði að allir séu á föstu.

Uppáhalds staður á Íslandi: Fjárhústunga í Borgarfirði.

Segðu okkur frá skemmtilegu atviki sem gerst hefur í leik: Tómas Guðmundsson hljóp út af vellinum í miðjum leik án þess að segja orð til þess að fara á dolluna. Kom svo bara aftur inn á og hélt áfram. Aldrei séð svona. Þetta var líka á eldra gervigrasinu við Víkingsheimilið sem er lengra frá - þetta var svona 10 mínútna mission.

Ertu með einhverja hjátrú tengda fótbolta: Nei en alltaf langað í.

Fyrir utan knattspyrnu, fylgist þú með öðrum íþróttum: Ég fylgist rosalega lítið með íþróttum, líka knattspyrnu.

Í hvernig fótboltaskóm spilar þú: Nike Tiempo.

Í hverju varstu/ertu lélegastur í­ skóla: Skólasundi. Var verulega slakur þar.

Vandræðalegasta augnablik: Átti ekki gott moment upp á Skaga fyrir nokkrum árum þegar ég var að vesenast eitthvað með boltann aftast, tapaði honum og ÍA fékk dauðafæri. Klúðruðu sem betur fer. En það er bara fyndið í dag.

Hvaða þrjá leikmenn tækir þú með þér á eyðieyju og af hverju: Tæki Dodda með fyrir jokes og til að segja mönnum að slaka á, Davíð Örn til að finna leið af eyjunni og Loga til að borða því hann væri yngstur.

Sturluð staðreynd um sjálfan þig: Ég fór í lýtaaðgerð þegar ég var 21 árs og lét græja á mér eyrun sem voru nokkuð útstæð.

Hvaða samherji hefur komið þér mest á óvart eftir að þú kynntist honum og af hverju: Það væri auðvelt að segja Pablo en það er nú oftast þannig að þeir sem eru óþolandi á velli eru meistarar utan hans - og það á við um Pablo.

Hverju laugstu síðast: Man það ekki en það hefur ekki verið viljandi.

Hvað er leiðinlegast að gera á æfingum: Skotæfingar - ég reyni að sleppa þeim.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: MJ - did you do it?